رواية الساحرة بقلم ميرفت السيد
رواية الساحرة الحلقة الأولى
نمت على الشازلونج وبدأت أحكي قصتي للطبيب النفسي:
مشكلتي يادكتور ان اي حد بيضايقني بيحصله حاجة وحشة
الدكتور عدل نضارته:ازاي يعني احكيلي ياس@حر
يادكتور اسمي سحر بكسر السين يعني ماچيك
ابتسم: انا اسف كملي
يعني كل الي فكراه البداية من طفولتي وانا في المدرسة كان شعري طويل وماما كانت تسرحه ضفرتين كان في بنت اسمها رانيا كل ماتشوفني تشد شعري وتضحك الفصل كله عليا وانا بسكت ومبتكلمش
قعدت في يوم وقلت لنفسي بعقلية طفلة انا باكرهها ونفسي تبقي قرعة ويضحكوا عليكي
تاتي يوم جت لابسة ايشارب وقاعدة ټعيط انا استغربت ومعرفش اتجرأت ازاي وشدتها من الايشارب لقيتها قرعة الكل ضحكوا عليها وهي عيطت وبطلت تيجي المدرسة وتقريبا اتنقلت معرفتش عنها حاجة ولاشوفتها تاني
الدكتور: مش يمكن صدفة
ازاي بس دة في مواقف كتير لاتعد انا مرة حبيت اختبر نفسي غمضت عنيا ووقفت بالبلكونة واتمنيت ان يحصل حريقة بس محدش يتأذي فتحت عنيا محصلش حاجة فرحت ولسة هادخل كاوتش مرمي في الشارع ۏلع والناس طفوه والكل كان مستغرب
الدكتور: مايمكن كل دة بعقلك بس
ازاي
:العقل البشري قوي بس نتيجة لخلل ما اوخيال واسع يقدر يوهمك باشياء حدثت وهي لم تحدث والصدف ساعات بتساعد على اكتمال الصورة
قصدك اني مجن@ونة وباتخيل
: لا طبعا
انا زهقت محدش بيصدقني لازم اثبتلك بدليل
: وانا موافق ياريت
غمضت عنيا واتمنيت انه ين-زف من انفه وكنت متغاظة انه مش مصدقني
ويادوب فنحت عنيا لقيت القميص الابيض الي كان لابسه كله د-م
قام واتخض ووقف الن@زيف بالقطن
قولتله صدقتني
بصلي پخوف وقالي اشوفك كمان اسبوع
ضحكت لأنه خاېف يعترف
خرجت واتجهت لعربيتي وقعدت جواها بأفكر
ياترى انا فعلا باتخيل
انا س@حر بكسر السين بابا م١ت وانا صغيرة ليا أخ واحد ولد مالك ٣٥ سنة محاسب في بنك ومتجوز وعنده بنوتة
واخت اكبر مني روضة خريجة اداب عندها ٣٠ متجوزة ابن خالي وعندها ولد وبنت
وانا الصغيرة ٢٥ سنة خريجة اثار وعندي شركة سفريات صغيرة كدة
ماما موظفةكبيرة في إحدى البنوك هي الي ربتنا لوحدها رفضت تتجوز بعد بابا الله يرحمه كان سايبلنا فلوس وشقق
حالتنا المادية كويسة الحمد لله
كل مشكلتي في الحياة اتمنى لحد حاجة وحشة تحصل واقدر احس ان في حاجة وحشة هاتحصل واحلامي بتتحقق
قد تبدو للبعض أمنية ولكن هي لع-نة
روحت شركتي ولسة داخلة قابلت مها ودي كانت زميلتي طول عمرها غيورة وحقودة وتبقى كمان منافستي بالسوق
وفاتحة شركة بنفس العمارة الي انا فاتحة فيها
اول ماشافتني اتجاهلتها
قالتلي: مش تباركيلي
علي ايه ياز-فتة
: ماشي الله يسامحك مزاجي حلو ومش هاارد عليكي انا اتخطبت
طيب مبروك
لسة هامشي نادت عليا وقفت بدون ماالتفت ليها
: مش عاوزة تعرفي العريس يبقى مين
لأ مايهمنيش
ردت پشماتة: يبقى كريم
اتماسكت وبدون ماالتفت ليها قلت: مبروك
ومشيت بسرعة قلبي وجعني كريم صديق عمري وحب عمري كمان كان زميلنا وطول عمره اقرب انسان ليا بيشتغل بالسياحة وحاليا بيشتغل معايا بالعمولة دة كان لسة معايا اول امبارح ماقالش حاجة بس كان متغير وامبارح كان إجازة
اينعم عمرنا مافاتحنا بعض كنت مستنياه يبدأ اكيد هي لفت عليه بطرقها الملتوية
ماشي اما وريتك يامها في ثواني كنت باغمض عنيا واتمنيت
يتبع…
رواية الس@احرة الحلقة الثانية
دخلت مكتبي مش شايفة قدامي وماسلمتش على حد وبصيت عليها من الشباك كانت بتتكلم بالفون جنب عربيتها
اتمنيت انها تقع بالشارع وتتبهدل
دقيقة ولقيتها اتزخلقت ووقعت واتبهدلت طينة والناس بيساعدوها منظرها كان مسخرة
ضحكت من شكلها لقيتها بتبص علي مكتبي شاورتلها وطلعت الفون صورتها
قهدت وفكرت اني لازم اهدا الأول واتأكد من كلامها
خبط الباب ودخلت امنية صاحبة عمري ومديرة مكتبي
قالتلي: مالك يابنتي في ايه
تخيلي مها الج@زمة بتقولي پشماتة انها اتخطبت لكريم عندك علم
أمنية: ماهو بصراحة انا….
انطقي
: خفت اقولك
قعدت على مكتبي وعنيا دمعت: يعني فعلا خطبها
: اوعي ياسحر تزعلي عليه دة طماع واختارها عشان فلوس ابوها وهي عرضت عليه انه يشاركها في شغلها ويعملوا شركة سياحة سوا وابوها هايمولهم ونبهت عليه مايقولش ليكي وطبيعي تشتريه بفلوسها وبعدين انتي بالنسباله صديقة واخت هو الي حكالي على فكرة
حتى لو اخت وصديقة ياااه للدرجادي بيبيع صداقتنا عشان الفلوس
: مايستحقش زعلك
بس يستاهلوا هدية تليق بيهم
: اوعي تتجنني ياسحر
خلينا في المهم فين الشغل الجديد والرحلات ايه الاخبار
: كل رحلة طلعت بميعادها ومعاهم مشرفين من عندنا وكله تمام ومفيش مشاكل ولاغيره وادي الشغل الجديد الملفات اهي ادرسيها دي قرية جديدة في دهب وصاحبها يبقى ابن عم بابا اسمه فارس وكلمته يتعاقد معانا ووافق بس هاينزل مصر كمان يومين ويقابلك وتمضوا العقد وليا عمولة ياماچيك
طبعا امال سيبي الملف وأخرجي وابعتي النسكافيه ياصداع
مسكت دماغي ومكنتش قادرة اركز في شغل غمضت عنيا وقررت انتقم منهم اتمنيت انهم يتخانقوا بمكان عام وتبقى قض-يحة وتريند
كملت شغلي وعملت شوية اتصالات وانشغلت وبعد ساعة أمنية بعتتلي عالفيس فيديو لكريم ومها بيتخانقوا ومها حدفته بالعصير في وشه وهو ضر-بها بالقلم وقل-ع الدبلة ورماها في وشها
زعلت عالفضيحة بنفس الوقت حسيت بسعادة
لأ انا لازم الاقي حل لنفسي انا خاېفة الموضوع يتطور وابدأ أستغل موهبتي بأذية الآخرين
خلصت شغلي وامنية قالتلي نتغدا برة قلتلها لا عاوزة اروح ارتاح
روحت البيت سلمت على ماما وفضلنا ندردش
شوية واتغدينا ودخلت اوضتي ارتاح
وسرحت وغفلت احساس مابين اليقظة والمنام
وشوفت زي حلم
وكان اغرب حلم
واحدة ست لابسة ابيض وماسكة سبحة ووشها منور مريحة للاعصاب بس ملامحها من النور مش باينة
قالتلي تعالي مټخافيش قربي
قربت منها صوتها كان هادي
قالتلي اوعي ياسحر تتخلي عن اصولك اوعي ټأذي غيرك
انا جنبك ومن د-مك والي حباني الوهاب هو الي حباكي
انا مش فاهمة
:دوري على صلة الد-م هاتفهمي
الخير وبس ياسحر هو الباقي
مټخافيش
الأم ياسهر
واختفت صحيت وانا مش فاهمة
هو في ايه وصلة ډم ايه وأصولي وموهبتي
هو انا اټجننت ولا اتلبست
طلعت لقيت ماما بتقرا بالمصحف
شافتني صدقت وابتسمت وقالتلي مالك ياحبيبتي
وبدون وعي سألتها: ماما انا بنت مين
سؤالي غريب
وردها عليا كان أغرب
يتبع…
رواية الساح@رة الحلقة الثالثة
ماما ابتسامتها تلاشت والصد@مة بانت على وشها اخدتني من ايديا وقعدتني جنبهاوقالت: اه كدة حان الوقت تعرفي.
وعرفت اغرب ماسمعته او سمعت عنه بحياتي
: اعرف ايه انا مش بنتك
لا ياسحر بنتي طبعا ولكن فضلت احاول احميكي من الإرث المتعب دة وتقريبًا ماعرفتش
: ماما ابوس ايدك وضحي كلامك
انتي شايلة قوة وراثية ياسحر من عيلتي انا بتجري في د-م كل بنت في عيلتنا
:ماما انا حاسة اني في حلم
اسمعيني يابنتي ومتقاطعنيش قومي افتحي دولابي هتلاقي ادارج جوة الدولاب افتحي اخر درج وهاتي الصندوق الي هتلاقيه خدي المفتاح دة
قمت جبت الصندوق كان شكله أثري اوي
ماما فتحته وطلعت منه صور وورق وقالتلي دول نساء عيلتنا عيلة الملكات
دول جداتك من سابع جدة
حتى شوفي الشبه بينك وبينهم انتي واختك الشعر الطويل الاسود اللامع والطول واهم حاجة الشامة الي بضهرك الي من يوم مااتولدتي موجودة وكل ماتستخدمي قوتك بتكبر ولونها بيتغير
: ماما دول كلهم شكلي فهميني بقى انا هاتجنن من الفضول
حاضر انا هفهمك كل حاجة من البداية
احنا نسلنا بيمتد لقبائل الامازون جدتك السابعة كانت أميرة امازونية واتجوزت جدك كان مصري وهو بيشتغل هناك قابلها واتعلقوا ببعض وهناك مستحيل يقبلوا يجوزوا بناتهم لحد غريب
ولكن قوة الحب اتفقوا يهربوا واتجوزوا وعاشت معاه في مصر اتل-عنت من عائلتها الي بيعملوا بالسحر ولم تنجب لسنوات
وكانت ساحرة مثلهم ولما اتجوزت اشهرت إسلامها وسمت نفسها ملك وتوقفت عن ممارسة السحرربنا اراد أنه يحفظها
ومع الصلاة والدعاء ربنا اكبر واقوى من اي حد انجبت بنت تحمل نفس الشامة الي بتتميز بيها بنات الامازون وبعدها انجبت ولدين توأم
جدتك كانت زوجة اي حد يتمناها وكذلك جدك
وعايشين بسعادة وهناء هو كان من اثرياء القاهرة
وفجأة جدك م١ت
جدتك كانت مقيمة في بيت عيلة وجدك كان عارف اهله وكتبلها هي واولاده كل مايملك قبل ۏفاته
اخوات جدك طمعوا بالميراث واتصدموا لما عرفوا الي اخوهم عمله وبهدلوها وهي صابرة لحد ماوصل بيهم الامر أنهم عاوزين يع-تدوا عليها ويصوروها مع راجل مأجور من طرفهم صور مخ-لة لاثبات سوءسلوكها وانها متستحقش تورث وهجموا عليها وبيحاولوا يكسروا الباب لتنفيذ مخططهم
ساعتها جدتك فاض بيها حطت اولادها بغرفة وقفلت عليهم واضطرت ترجع للسحر قرأت أفكارهم الق…ذرة وشلت حركتهم وبدأت تخليهم يولعوا بالبيت بنفسهم ماعدا المكان الي هي واولادها فيه
وقضت عليهم.كلهم وخليته يبان انهم هما الي عملوه والڼار مسكت فيهم ولما الناس في الشارع بدأت تحاول انقاذها سمحت للڼار تنتشر بغرفة اولادها وجريت عالبلكونة معاهم وصړخت عشان ينقذوها وبالفعل تم انقاذها
وكل من شارك بالمخطط ضدها ما-ت
وهي ورثت ومن وقتها نشطت بؤرة السحر الب على شكل شامة بضهرنا
عاشت بدون ماتمارس اي سحر تاني وكانت بتصلي ولاتؤذي احد ولكنها حصنت بنات عائلتها من الاذى والقت لع-نة علينا كلنا بأن كل بنت تتولد من نسلها تورث قوة من قوتها
انا كنت عارفة انك بتستخدني قوتك من الشامة كنت باجيبلك.هدوم بيتي مفتوحة من الضهر عشان اشوف لونها وحجمها
لما بدأتي ټأذي غيرك بقوتك جاتلك بالمنام تحذرك
واختك.كمان عندها وقوتها هي انها قوية جدا جدا ولكن لم تدركها بعد عي كانت مفكرة لما تشيل حاجة تقيلة انها صحة جيدة
وعارفة نفسك تسأليني عن قوتي وموهبتي انا موهبتي هي تحريك الاشياء عن بعد
والشامة كنت مفهماكم انها ورث مني جينات
الورق دة عهد من جداتك كلهم
واول ماالواحدة مننا تدرك قوتها وجدتها تيجي بالمنام وتقولها الرسالة يبقى ان الاوان تعرفي العهد وتتعهدي على نفسك بيه
كل واحدة من عيلتنا حقها تضيف بند بعد بلوغها سن ال٤٠
ولكن احذري الشړ بيولد شړ وساعتها هاتتجردي من قواكي تدريجيا والشامة هاتختفي بيتم تحذيرك مرة واحدة زي ماحصل بالحلم حتى عندما يظلمك احد الصبر واستخدام الخير ضد الشړ عشان مندخلش بخطړ اكتشاف أمرنا
وحذاري ياسحر سرنا محدش غريب يعرفه
دي اهم الشروط
كدة وضحتلك كل حاجة اعرفها وباقي الرحلة طريقك بتاعك انتي واختيارك الي هايحدد مدى استعدادك لتقبل قوى اخرى
كل ماتستخدمي قوتك بالخير بتتباركي بقوة اخرى
دلوقتي لازم تقرأي العهد وتوافقي عليه:ياربي ماما انا في حلم
امي قبلت رأسي بكل حنان وقالت: حبيبتي متقلقيش خدي وقتك لتقبل الحقيقة تصبحي على خير
قامت ماما وسابتني
دخلت اوضتي وبدأت اقرا العهود ايه دة ….
يتبع
رواية الساحرة الحلقة الرابعة
العهد الاول: اشهد ان لا اله الا الله وان محمدًا رسول الله
العهد الثاني ا اتعهد باستخدام قواي بالخير فقط
العهد الثالث ان اكون صبورة واساعد الاخرين ولكن دون ان اكشف عن قوتي او أعرض تراثنا للخطړ
العهد الرابع لا استغل قوتي بمكاسب ومصالح شخصية
العهد الخامس أكرس نفسي لمساعدة كل انثى من نسلنا
العهد السادس يسمح باستخدام القوة ثلاث مرات فقط لأهداف شخصية بالخير فقط وان احترت بأمر اغمض عيني واطلب المساعدة من الجدة ملك
العهد السابع أن اكون جديرة بحمل تراث الملكات لمن بعدي عن طريق الإلتزام بالعهود ويحب الا أحيد عن طريق الله والا يصيبني الغرور وان اضيف بندا بعد بلوغي سن الاربعين
تمت العهود
ويجب الامضاء بنقطة من د-مي
جرحت نفسي وقطرت نقطة ډم مكان التوقيع بالتعهد
وقتها حدث اغرب شيء وقتها ورق العهود بعد ماكان قديم وبالي اصبح حديث
خلصت وشيلت الصندوق في درج وقفلت عليه بالمفتاح
وفضلت افكر ياترى حياتي هاتمشي ازاي بعد التغييرات دي
استسلمت للنوم والصبح جالي تليفون من امنية بتقولي ان كريم ومها اتصالحوا وان قريبها فارس صاحب القرية جاي بعد ساعتين لاتمام التعاقد بيننا
الغريب اني فرحت لرجوعهم وقررت اتناسى الأمر وانفذ ماتعهدت به
جهزت وفطرت مع أمي وتوجهت لشركتي
سرحت بالشغل مع حسن محاسب الشركة وامير مدير الشؤون القانونية الي راجع بنود العقد وكله تمام لحد.ماامنية قالتلي انه فارس موجود
طلبت منها تضايفه لحد مااخلص بس قالتلي: لا ياسهر دة مواعيده مظبوطة جدا وتربية انحليزي الوقت عندهم مهم
: روح انت ياحسن احنا كدة خلصنا
دخلي البيه بتاعك ياستي
دقيقة ولقيت قدامي فارس لا هو فعلا فارس
دخل بوجه وسيم وبشوش اتبادلنا التحية: اهلا بيك نورتنا يابشمهندس
:ميرسي ياسهر هانم اتشرفت بيكي
صوته قوي وهادي بنفس الوقت حد يلحقني اتوترت وكنت باجاهد ابان طبيعية: الشرف ليا تشرب إي
: قهوة مظبوط بن محوج لو تسمحي
طلبتله القهوة وقولتله: امنية بلغتني بموافقتك على التعاقد معانا وانا راجعت العقد مع الشئون القانونية وموافقة على كل البنود
: تمام انا مبسوط جدا بالتعامل مع شركتك وعاجبني أنك بتشتغلي بهدوء وبخطوات متأنية وسمعة شركتك ممتازة
دي شهادة اعتز بيها والله انا الي سعدت انك قررت تتعاون معانا
:طيب احنامش نمضي العقود ولا ايه
اه طبعا بس اشرب قهوتك عالٱقل
دخلت امنية بالقهوة وبعد ماشربها تم التعاقد
كانت صفقة مربحة جدآ ليا
بعد ماتم التعاقد قالي: انا عازمك انتي وأمنية تيجوا القرية وتستجموا عالاقل تشوفيها عالطبيعة
أمنية بفرح: ياريت
بإذن الله هافكر واشوف
: لا ارجوكي قبل مااسافر انجلترا لوالدتي عشان اكون باستقبالكم
خلاص بإذن الله هاظبط شغلي وعالاسبوع الجاي مناسب
: اتفقنا بس بما إني اخر ليلة ليا بالقاهرة تسمحي نتعشى سوا اعتبريه عشاء عمل وبداية صداقة مابيننا
مافيش مانع
: الساعة ٧ كويس
اوك
:مع السلامة واتشرفت بمعرفتك
الله يسلمك الشرف ليا
ومشي يلهوووووي ايه ده ياناس
امنية وصلته ورجعت قاطعت افكاري عاوزة مكافئتها
روحي للحسابات خديها يالي تنشكي
: ايه رأيك في فارس
من ناحية ايه
:انا ماشفتعوش كتير لانه طول عمره عايش برة بس هو موز اوي
اتلمي وروحي خدي الفلوس
: ماشي ياستي ماتاخديني معاكي بالشنطة اتعشا معاكم
افضلي كدة ارغي لحد ماهالغي مكافئتك
جريت بسرعة اتخلصت منها
قلت لأمي على الي حصل مش باخبي عنها شيء واشتريتلها هدية
لبست فستان اسود كان غاية قي الجمال والاناقة وهيلز وكليتش فضي وميكب سواريه وفردت شعري
مامالما شافتني فضلت تكبر كانت عاوزة تبخرني
بعتلي عالواتس عاوز ييجي ياخدني وبعتله شير لوكيشن بعنواني وفي الميعاد كان هنا
انطلقنا لمطعم الفندق الي هو مقيم فيه
شربنا عصير الاول وطلبنا العشا
فضل يحكيلي عن نفسه
انه امه انجليزية وابوه اتجوزهاعشان الجن-سية ولكن حبوا بعض ووالده بدأ من الصفر وعمل ثروة كبيرة وعنده شركة سياحة كبيرة وهو وحيد والديه وهو الي قرر يفتح قرية هنا في دهب لانه ميال لأصوله المصرية والده كان بيجيبه كل سنة يزور قرايبه وعاجبه جو ا
لألفة المصري وحابب يستقر هنا ويزور والديه باستمرار
قاطعه وصول العشاء قالي: صدعتك انا اسف
: بالعكس
مش هتكلميني عنك
صدقني مفيش حاجة تتقال مهمة
: يهمني اعرفك قصدي كشريكة معايا وكصديقة طبعا
حكيتله عن نفسي وقولتله شوفت بقى مفيش حاجة مهمة ازاي
: المهم انك شخصية مٹيرة للاهتمام جدا حتى ملامحك مختلفة جمالك مميز
ودي حاجة وحشة ولا حلوة
: لا اختلاف حلو طبعا انا اسف لجراءتي
ابتسمت وصلني لحد البيت وودعته قالي: اوعديني انك هاتزوري القرية
انا كلمتي واحدة
: وانا هاستناكي
سلام
: سلام
طلعت كنت مبسوطة بس حاسة بشيء مريب ورا الشخص دة
عدا الاسبوع وانا باحضر نفسي انا وأمنية للسفر
لحد ماجه يوم السفر ودعت امي واخواتي وانطلقت انا وأمنية بعربيتي بطريقنا للرحلة
الي هاتكون رحلة غير عادية
يتبع…
رواية الساحرة الحلقة الخامسة
وانطلقنا في الرحله لحد ذهب وقبل ما نوصل وقفت عند كافيه ناخد ريست انا وامنيه وهي قامت تدخل التواليت وانا فجأه حسيت ان قلبي فيه احساس مش طبيعي ان في حاجه هتحصل
غمضت عينيا وركزت وحسيت ان في صورة بتتكون في دماغي وفجاه الصورة ظهرت قدامي زي ما تكون شريط فيديو وشفت حاډثه قبل مدخل القريه
عربيتين دخلوا في بعض واحدة سايقة وبتتكلم في التليفون وهي بتتكلم في التليفون حطت ايديها جوه شنطتها وسرحت انحرفت عربيتها ودخلت في عربيه نصف نقل وحالتها بقت صعبه قوي ما قدرتش اكمل بعد كده ايه اللي حصل فتحت عيني بسرعه ونفسي مش قادره اخذه وقلبي بيدق بسرعه قوي
واكني كنت هناك لحد ماقعدت افكر شويه طب يا رب انا اعمل ايه لأول مره حاجه زي دي تحصلي طب الموضوع ده حصل فعلا ولا لسه هيحصل استغفر الله العظيم قعدت مش عارفه اعمل ايه
ده احساس اول مره يحصل لي ومش عارفه اتصرف معاه ازاي وانا اعمل ايه حاولت اخذ نفسي شربت مية
كانت امنيه جاءت قالت لي مالك وشك اصفر ليه كده قلت لها لا ما فيش حاجه هعمل تليفون وارجعلك
قمت مسكت التليفون وقلت اكلم ماما الوحيدة اللي انا اقدر احكي لها اللي انا فيه
ماما: حبيبتي طمنيني عليكي
قلت لها كله تمام انتي عاملة ايه
قالت لي: الحمد لله يا ريتك ركبتي الاتوبيس عشان اطمئن
قلت لها لا انت عارفه ان انا طول عمري باحب السواقه والسفر
قالت لي طيب طمنيني انتي كويسه وكله تمام:كله تمام وزي الفل واحنا اهو في كافيه بناكل وبنشرب مافيش اي حاجه بس انا عايزه اخذ رايك في حاجه
قالت لي ايه يا حبيبتي
قلت لها دلوقتي انا شفت رؤيه كده ان واحده هتعمل حاډثه فانا مش عارفه اتصرف ازاي دي حاجه حصلت ولا هتحصل ولا اعمل ايه بالضبط
قالت لي بصي يا حبيبتي انا قلت لك ان طالما انت بقيتي على علم بالهبة الي عندك وبطلتي تستخدميها في الأڈى
هتلاقي الشفافيه اللي عندك بتزيد اهم حاجه اقدار ربنا مابنتدخلش ولامخلوق يقدر طبعا والفيب لايعلمه الا الله يمكن يكون ده جرس انذار ليكي انك تنبهي صاحبة الحاډثة لو قابلتيها يبقى تنبيهها متتملنش بالفون وتركز في طريقها وكدة دورك يبقى خلص ويمكن تكون حاډثة حصلت وخلاص ده اللي انتي هاتكتشفيه اهم حاجه ما تخافيش واستعيني بالله كده وركزي وان شاء الله هتلاقي الحل ربنا معاكي
قفلت مع ماما وانا حيرانة اكتر
خلصنا اكل وريفريشنا نفسنا كدة
وانطلقنا وقبل القرية بشوية لقيت البنت الي شوفتها بتفس العربية واللبسو بتتكلم بالفون
كسرت عليها بالعربية وقفت واتخضت هي وامنية
نزلت وزعقتلها: انتي بتتكلمي بالفون طول الطريق وسرحانة وممكن تعملي حاډثة سيبي ام الفون دة
البنت سرحت كدة وقالتلي: انا كنت هعمل حاډثة فعلامن شوية بس اعمل ايه زعلانة مع جوزي وعاوزة اتط-لق وهرب ببنتي عشان يضغط علياوباتحايل عليه اشوفها
فضلت أهديها وقولتلها هاتي اسمه بس وصورته وانا هجيبلك قراره
وفجأةعدت العربية النص نقل من جنبنا بسلام
اللهم لك الحمد
اتبادلنا الارقام وبعتتلي بياناته عالواتس وطلعت رايحة نفس القرية لأن عندها شغل دعاية وكدة هناك
قالتلي: انا معرفش ارتحت لك ازاي كدة وقولتلك اسرار وانا معرفكيش
ابتسمت: يمكن ربنا بعتني ليكي
سيبتها ورجعت لأمنية الي كانت الفضول هايم-وتها
شوية ووصلنا القرية كان الليل حل فارس كان في استقبالنا وكان مجهزلنا شاليه عالبحر مباشرة وطلبلنا اكل
وقالنا الاكل هايوصل حالا وارتاحوا من الطريق وبكرة اخدكم جولة واي شيء تحتاجوه مفيش احراج انتوا ضيوفي اطلبوه من الريسيبشن فورًا انا هاستأذنكم
سابنا ومشي كان الاكل وصل كنا جعانين فعلا اكلنا ووقفت اتأمل البحر وجماله باقول لامنية:شكلها قرية جميلة ومريحة جدا
لقيتها في سابع نومة
قولت اخد شاور وارتاح ولسة هانام
سمعت صوت بنت بتستغيث قومت اشوف في ايه اتاري الصوت في دماغي
يادي اليوم
حاولت انام واتغاضى ابدا
قومت وقولت اتمشى عالبحر يمكن افكاري تهدا
غمضت عنيا استنشق الهوا شوفت بنت بتغت-صب
يلهوووي
النرادي ركزت بكل ماڤيا من قوةعشان اعرف التفاصيل
لقيته شاب واخد بنت بريئة ومفهما انه هايتجوزها واول ماوصلوا الشاليه لقت أصحابه
كتفوها وبيغت-صبوها ركزت فيالساعة لقيت البنت وصلت معاه الساعة ١٠ وركزت تاني في رقم الشاليه بتاع الشاب
لحد ماعرفته بصت على شاليه بتاعي دة الشاليه الي هاتغ-تصب فيه بعدي بعشرين نمرة
الساعة دلوقتي ٩ و٥٠ دقيقة فاضل ١٠ دقايق
اعمل ايه اتصلت بفارس وطلبت منه يجيلي فورا وبجيب الأمن اتخض قولتله مفيش وقت اقسرلك
جه بيجري قولتله في بنت هايغت-صبوها شلة شباب بالشاليه رقم ٣٣ الساعة ١٠
قالي عرفتي ازاي
قولتله فاعل خير بلغني بسرعة الحق مفيش وقت
الساعة بقت ١٠ و٥
طلعوا يجروا عالشاليه وانا وراهم لقو البنت
يتبع…
رواية الساحرة الحلقة السادسة
فارس والأمن اقتحموا الشاليه
وانا وراهم
اول مادخلوا سمعوا صړخة مكتومة من داخل اوضة
جريوا لقيوا البنت بتقاوم وهما كاتمين صوتها وبيقطعوا هدومها طبعا الامن حريوا بسرعة مسكوا الشباب كتفوهم وفارس قلع الجاكيت وغطا البنت بيه
ماحستش بالدنيا
فوقت لقيت نفسي بالشاليه بتاعي والدكتور بيديني ابرة وأمنية وفارس جنبي
اول مافوقت وجوههم تهللت بالفرح
والدكتور قالهم: اهي فاقت خلاص اتطمنوا بقى
حمد الله على سلامتك
وسابنا ومشي
فارس قال لأمنية: بعد اذنك سيبيني شوية مع سحر
أمنية خرجت وسابتنا سوا
طبعا كنت بافكر هاقوله ايه انا فاهمة الي بيدور قي راسه طلبت منه مية. اشرب كنوع من المماطلة عشان اشوف حل وبسرعة فكرت في سبب
خرج جاب مية ورجع شربت
قالي ها انا مستني
قولتله: في إيه
جاوبيني انتي
طب ممكن الاول تطمني عالبنت
ودناها المستشفى واتصلنا بأهلها واستلموها والحمد لله عدت بدون شوشرة والبنت عاوزة تشوفك عشان تشكرك
: والكلاب الي عملوا كدة
اتحبسوا طبعا والامن الي دخلهم اترفد لأنه اخد منهم فلوس عشان يسهل دخولهم مستغلين انها قرية جديدة واحنا قي اواخر الشتا والمصيفين عددهم قليل
وطبعا عشان سمعة القرية طلبت من الظابط وهو صديق ان سيرة القرية متتجابش ولا الاعلام ياخد خبر
والحمد لله ان الحكاية دي اتلحقت
: الحمد لله
سهر انا من يوم ماقابلتك وانا حاسس انك مختلفة فهنيني قوليلي اجابة مقنعة غير فاعل خير دي
: بس دي الحقيقة كتبت عالفيس اني في قرية هيڨن لاند وشخص بعتلي انه خاېف يقولي على حاجة ومصېبة هتحصل الساعة ١٠ مع بنت وشاب يعرفهم وطبعا في احتمالية انه بيقول الحق عشان كدة كلمتك
كان بيبصلي وساكت
ماشي ياسحر عامة انا الي يهمني انها جت سليمة انا هاسيبك ترتاحي وبكرة ان شاء الله اخدكم جولة بالقرية
وهو خارج لف وقالي تصبحي على خير بس اكاد اقسم انه عنيه كانت بتلمع
بمجرد ماخرج غمضت عنيا وحاولت اركز عليه وهو خارج وبعد معاناة قدرت لقيته بيتكلم مع أمنية حاولت اسمعهم لقيته بيقولها هانت خلاص مسألة وقت احنا اتأكدنا
امنية: تفتكر هانقدر
ابتسم بمكر وقالها وهو بيحض-نها: عيب يامونا
ارجعيلها ياللا
ومشي
ياولاد ال....
هو في ايه
صاحبة عمري جيباني لشريكها في مؤامرة عليا وانا زي اله-بلة
انا لازم اعرف الحقيقة
دخلت امنية واتعاملت معاها عادي مثلت انها بتطمن عليا وانا اتحججت اني تعبانة وعاوزة ارتاح خرجت راحت اوضتها وانا قومت اتصلت بماما وحكينلها كل حاجة
ماما طلبت مني ارجع فورًا وابطل فضول
وانا صممت اكمل
وبعد معاناة معايا وهي عارفة العند بتاعي اتفقنا اني افتتح مكالمتي معاها بجملة ست الكل والا ابقى في خطړ واتفقنا لو عدا يوم بدون مااكلمها تتصرف بطريقتها
طبعا مانمتش وغمضت عنيا وطلبت مساعدة جدتي
جت بوشها الجميل وقالتلي بابتسامة: كملي مشوارك ومټخافيش انا معاكي بس لازم تكتشفي بنفسك
: انا خاېفة
قدرك هو الي جابك
:طب مين دول
دول نسل الطمع
:يعني ايه
انا لازم امشي مټخافيش انتي اقوى مما تتخيلي
وافتكري دايما انتي مش لوحدك
واختفت
استسلمت للنوم والصبح امنية صحتني
قومت اخدت شاور ونزلت لقيتها مع فارس ومحضر الفطار عالبحر
خرجت وانا باتظاهر اني طبيعية بس كنت صامتة
فارس قالي: انا محضرلك النهاردة مفاجئة هاتعجبك اوي
أمنية: الله بجد ايه هي والنبي
فارس: متبقاش مفاجئة لو قولتها
ولاايه رأيك ياسحر
: اه طبعا
فارس:ياللا بينا…..
ياترى هاتودوني فين مش عاوزة اتفاجيء وخاېفة اغمض عنيا قدامهم الفت نظرهم ليا
وفجأة جاتلي فكرة
لسة بيستعدوا عشان نمشي قولتلهم: استنوا انا …..
يتبع…
رواية الساحرة الحلقة السابعة
:ثانية واحدة ياجماعة
بصوا لبعض باستغراب
فارس: في حاجة ياسحر
: اه نسيت حاجة في اوضتي مهمة
وسيبتهم وطلعت اوضتي قفلتها عليا وغمضت عنيا بتركيز دقيقة وفهمت خطتهم وركزت على جدتي سمعت صوتها بيقولي بانتظارك عند الباب
ابتسمت وفتحت الدولاب جبت نضارة شمس كبيرة ولبستها
ونزلت ضحكت أمنية وقالت: مدمنة النضارات طول عمرك وملكة الأناقة
زمان كنت باخد.كلامها على انه حب وصداقة دلوقتي عرفت انه كدب ونفاق
ابتسمت ومشينا
طبعا عملت اني متفاجئة لما روحنا يخت خاص بيه
: ايه دة دي مفاجئة خطېرة
ايه رئيكم
امنية: تجنن يافارس
: كويس ان معايا الصن سكرين بتاعي
ركبنا معاه وانطلق بينا في البحر لحد ماوصلنا عند جزيرة صغيرة كدة
وقف هناك وقال تعالوا هاوريكم اكتشاف في الجزيرة دي هايعجبكم اوي
مشينا معاه وكنا بنتفرج عالمناظر الطبيعية وجمالها وهو بيقود الطريق لحد ما وصلنا الى كهف
قالي بابتسامة:اقري كدة المكتوب دة
بصيت لقيت لغة غريبة
قولتله مش عارفه دي لغة إيه
قال:مش عارف بس قولت يمكن تعرفي انتي
اشمعنى انا
امنية: يمكن لانك معاكي كذا لغة
اه بس دي لغة غريبة جدا معرفهاش
هو انت جايبنا هنا ليه
ضحك فارس وقال: بافرجك عالبروجرام الي هايتنفذ مع الجروبات
بس مشكلتي الوحيدة هي الكهف دة
امنية: طيب هانعمل ايه دلوقتي وغمزتله انا شوفتها واتجاهلتها
فارس: ولاحاجة انا محتاجلك ياسحر
: مش فاهمة
لا انتي هاتتعبيني كدة انا محتاجلك تتعاوني معايا بمزاجك
: انت مچنون ماتفهمني الالغاز دي
شوفي بقى انا مش دافع كل دة وصممت اظهر انا بنفسي بعد بحث سنين عنك عشان نفضل نلف على بعض
وفجأة طلع مسډس وظهر اربع رجالة مسلحين من ورا الصخور
: ايه دة انت بتعمل ايه يا فارس
قرب مني وكتفني وحط المسډس على راسي
وراجل تاني كتف امنية
وقالي بهدوء: شوفي بقى ياسحر محدش هايعرف يفتح الكهف دة غيرك
:انت اټجننت وعاوز تقت-لني انت بتخرف بتقول ايه
مسك الفون واتملم وبعدين اداهولي قالي: كلمي لتفتكريني باهزر
وضع الفون على ودني: حبيبتي ياسحر انتي كويسة حد اذاكي
وصوت اختي: يامج-رمين انتوا عاوزين ايه مننا
ماما انا كويسة طمنيني عليكم
: محدش هايقدر يقربلنا مټخافيش علينا
خطڤ مني الفون
: يام-جرم
عشان تعرفي اني مش باهزرخلصيني افتحي الكهف
: طيب ايه ضمانك اني لو فتحته هاتسيبنا ومش هاتق-تلنا
مرر ايده في شعري وقالي في ودني:عشان لسة محتاجلك دي البداية عارفة لو طاوعتيني انتي بقوتك وانا بفلوسي ونفوذي هانملك العالم
: انت مين اصلا
انا الي من نسل الباحثين عن الكنوز والي اغلب طرق الوصول ليها محتاجة ساحرة من نسل الامازونيات عشان هما مفتاح الكنوز خلصيني افتحي الكهف
قلت في سري زي ماجدتي قالت نسل الطمع
ياللا ياسحر صبري بينفذ هاقت-لك أهلك لو فكرتي تغدري
بصيت عالحروف الي على باب الكهف بتركيز لقيتها بتترجم قدامي
قولتله: مش هاعمل حاجة الا لما انأكد انك سبت اهلي ساعتها انا تحت امرك
افتحي الباب واوعدك اني هاسيبهم
:ههههههههه اصدق وعد منك انت
سحر هاق-تلهم بجد واولهم امنية
: ضيع وقت واقت-لنا ومش هاتوصل للكنز
امنية قالتلي پبكاء مصطنع: ارجوكي ياسحر
اتجاهلتها
مسك الفون وأمرهم يمشوا
اتصلي بوالدتك واختك واتأكدي وطلع الفون بتاعي من شنطتي واداهولي
اتصلت:ماما طمنيني عليكم
مشيوا ياحبيبتي انا كنت على وشك اتصرف بس هما انسحبوا طمنيني عليكي
:مټخافيش عليا انا كويسة
كان بيبص لي وبيستعجلني: ست الكل لازم اقفل
قولتلها الكلمة المتفق عليها عشان تتطمن خطڤ مني الفون وقالي
: اظن نفذت اتفاقي
لا لسة يافارس
:ايه تاني
مفيش داعي للسلاح ولا الټهديد
ضحك ودخل المسډس بجيبه:اهو اتطمني ياللا بقى
بصيت لباب الكهف بتركيز وقريت الكلام قبل ماانطقه وترجمته
فتحت عنيا وقولتله محتاجة تركيز عشان افتح الباب
ترجمتي المكتوب
:اه
المفتاح يكمن في قوة العقل
الكنز مل-عون
الډم يبطل اللعڼة
بدأ يفكر وقالي: ركزي عالمفتاح
غمضت عنيا تاني وركزت على جدتي
لحد.ماجت المرادي كان وراها ٧ سيدات يحملن نفس الملامح وكلهن يحملن شعلة ڼار في طابور يتقدمهم جدتي وانا واقفة قدامها
وقالتلي: ان الأوان احنا ډم-ك ومعاكي افتحي الباب عشان يبقى مق-برتهم زي كل طماع حاول يستغلنا
وفجأة كلهم عملوا دايرة حواليا ومدوا أيديهم بالشعلات ناحيتي
جدتي قالتلي دوري على شعلتك جواكي بسرعة
ركزت ومديت ايديا وحسيت ان جوايا طاقة من ڼار بتخرج وفجأة لقيت شعلة بايديا
كل جداتي وضعوا الشعلات امامي وانا فهمت اني لازم امر بشعلتي عليهم كلهم وكل ماابص لواحدة فيهم توميء برأسها احط شعلة الڼار بتاعتي على شعلتها الڼار تزيد لحد ماشعلتي بقت متوهجة للسماء
جدتي قالتلي قوتنا اصبحت معاكي كملي للنهاية
وجهت الشعلة للكهف بابه اتفتح وجداتي كلهم اختفوا
فتحت عنيا لقيت نفسي واقفة فاردة ايديا قدامي وباب الكهف اتفتح وفارس وامنية ورجاله واقعين على ضهرهم وفي غبار شديد اكنه زلزال
فارس قام وكلهم معاه بيكح من الغبار وبص عالباب وبعدين بصلي بانبهار وقعد على ركبته قدامي وقبل ايديا: مكونتش متوقع القوة دي كلهاانتي الكنز ياسحر
ياللا بينا ياملكة انتي فعلا ملكة
قولتله: على فين
: داخل الكهف
دخلت الكهف معاهم وفجأة
يتبع…
رواية الساحرة الحلقة الثامنة
طلب من رجالته يدخلوا الاول ووراهم انا وهو وامنية
ويادوب دخلنا من هنا والباب اتقفل ورانا
الدنيا كانت كحل
فارس قال: محدش يقلق سحر هانعرف تفتحه
ولعوا كشافاتكم
فارس والكل ولعوا كشافات كانت معاهم عاملين حسابهم بقى
لما الكهف نور لقينا عالجانبين شعلات محتاجة ڼار بس فارس والي معاه ولعوا الشعلات بالولاعات والمكان بقى منور والرؤية واضحة
ايه دة مغارة علي بابا
الكل وقف مبهور مفيش شبر مش مليان مجوهرات
اكتر من ٥٠ جرة مليانة مجوهرات وكان في نفق
فارس قال: امشوا قدامي يارجالة هانلم من جوة الأول والدهب دة في الاخروانتي ياامنية وانتي ياسحر خليكم جنبي
مشينا في النفق كان ضلمة وخنقة جدا
لحد ماوصلنا لآخر النفق لقينا زي بحيرة صغيرة وحواليهاصخور عالية زي تل صغير اوي والبحيرة آخرها تماثيل دهب وتحف ومجوهرات ماشفتش زيها بس حسيت ان فارس هدفه حاجة معينة بيدور عليها
المهم طلبت منهم ارتاح نفسي رايح
وغمضت عنيا ثواني وطلبت جدتي
سمعت صوتها بيقولي كملي لوحدك احنا جواكي اسمعي صوتك الداخلي استمدي قوتك من قلبك الطاهر كل احساس هاتحسيه اتبعيه دي جداتك بيرشدوكي اتوحدي مع قوتك الداخلية
فارس قالي: انتي كويسة
امنية قالتله بغيظ: متقلقش هي مبتحبش الاماكن الضيقة
ناولني زجاجة مياه: خدي اشربي وانتوا يارجالة عدوا الناحية التانية دوروا على باب كدة عشان نقدر ننقل منه كل دة
بصيت عالبحيرة وشوفت ال٤ رجالة وهما بيتسحبوا لتحت وبيغرقوا وهما لسة مادخلوش البحيرة اصلا
سألت نفسي اكني بافكر مع نفسي احذرهم ولا لا
جالي الرد من جوايا لأ اسكتي كل واحد بيسعى لنهايته بنفسه
سكتت وراقبتهم اول مانزلوا البحيرة ودخلوا جواها انسحبوا لتحت وبرغم قوتهم العضلية مفيش حد منهم قدر يقاوم
فارس هو وامنية اتصدموا
فارس قال: كدة يبقى محدش مننا المفروض ينزل البحيرة دي وبصلي وقالي
لولا انك تعبتي كان زماننا مكانهم ولاانتي جالك احساس بحاجة
رديت: لا مفيش بس نفسي فعلا قفل
امنيةبخوف: طب نرجع احسن
فارس: لا هانتسلق الصخور دي وبص حواليه وراح مطلع حبل وعدة تسلق من شنطته
وقال انا هاطلع الاول وامنية ورايا وبعدها سحر
وفعلا اتسلق الصخور ولما وصل فوق مسك الحبل وطلب من امنية تطلع وانا وراها
ولما وصلنا فوق اتفاجأنا انه في ممرات صغيرة جدا وبتطل على البحر برة
وعشان نعدي للبر التاني لازم نلف من الممرات دي وبين كل ممر وممر موضع قدم يادوب يتسع لفرد واحد بالعافية يعدي من على الحافة سهل جدا اي حد يقع لو ماكانش حريص وهاديء
فارس كان بيعدي الاول وطلب مننا نمشي نفس خطواته
امنية وراه وانا وراها
لحد ماوصلنا لاخر ممر وبعده سلم هاينزلنا عالبر التاني
واول ماوصلنا للسلم كان في ح-ية
حجمها كبير جدا تقدر يبلعنا كلنا دفعة واحدة واقفة بتحرس السلم
فارس وقف وشاورلنا نهدا ونسكت بس امنية كانت بټعيط وقالت: مش قادرة انا خاېفة روحني انا مش عاوزة حاجة وطلعت تجري لوحدها من الممرات فارس حاول يمنعها ماقدرش خاف يجري وراها لضيق المكان كانت عاوزة ترجع ومع لهفتها واستعجالها اتزحلقت
وقعت من فوق وتشبثت بالحافة
فارس خاېف يتحرك خوفا من هجوم الافعى
سألت نفسي انقذها
الرد كان لأ هي اختارت بإرادتها وكل واحد بيختار نهايته
قالت وهي بتحاول تطلع ومش قادرة
سامحيني ياسحر انا اذيتك وكنت باخدعك وانتي العكس عمرك مااذتيني وكنتي احسن مني
قولتلها: مسامحاكي ربنا يسامحك
ايديها فلتت ووقعت في البحيرة دورت وشي مقدرتش اشوفها
بس فارس قال بصوت واطي: سحر بصي امنية طلعت
بصيت لقيتها وقعت قرب الشط وجريت بسرعة وطلعت
الحمد لله
فضلت ټعيط وتقول الحمد لله سامحني يارب مش هاغضبك تاني وهابقى انسانة تانية.
كنت باعيط وانا شيفاها بصتلي وابتسمت
فارس قالها: خليكي عندك ماتتحركيش لحد ماننزلك
فكرت وقولت لفارس هانعمل ايه
قالي مش عارف انا بافكر
فجأة جالي إحساس اني اتحرك ومخافش
اتحركت بكل قوة وثقة في اتجاه الحية وفارس وامنية مصډومين
واول ماوصلت عند الح-ية وقفت قدامها ورفعت ايديا جنبي وبصيت في عينيها
واكن في قوة بتحركني اعمل كدة واقول: بحق من خلقك ارجعي من حيث اتيتي بسلام
ترتجعت الحية واختفت
وفارس وامنية مش مصدقين عنيهم
فارس مسك ايديا وانحنى وقبلهم وقال: انتي قوتك ملهاش حدود
ماردتش عليه وسحبت ايديا منه
نزلت انا وفارس بسلام وصلنا عند ٣ تماثيل تشبه تماثيل الفراعنة
وحواليهم جرر مليانة مجوهرات وتحف
دة كنز فرعوني
بدأت اقرب من التماثيل واتأمل جمالهم وفارس وامنية بيتفرجوا عالكنوز بانبهار
وفجأة
يتبع…
رواية الساحرة الحلقة التاسعة
وانا باتفرج عالتمثال كان عبارة عن فهد اسود كان لفت نظري عنيه كأن مكان العين جوهرتين لونهم فيروزي
تسرح بجمال تفاصيله
مديت ايديا على عنيه لقيتهم جوهرتين فعلا بيتشالوا من مكانهم
اول مافارس شافني جري عليا واخدهم مني وقال بانبهار: واخيرا وصلتلهم يااااه انتي عارفة ياسحر في كنز موجود بداخل الجبال في
البيرو ومحدش عارف يوصله ولايفتح الباب الي مفتاحه عبارة عن عينين فهد اسود وفي كلام منحوت عالصخر ولما ترجموه كان بيقول المفتاح بعيون فيروز بالشرق الاوسط الذهبي
تخيلي كل الي هنا ولاحاجة بالنسبة للي موجود هناك
دة اكتشاف خبيناه سنين انتي عارفة قوة ان بكون في كنز يربط الشرق بالغرب والفضل ليكي
كان في صوت جوايا اني اتكلم واقوله: الكنوز دي اتدفنت بباطن الأرض والجبال لسبب احنا منعرفهوش وماينفعش تخرج والا هايكون في عواقب وانا مش هساعدك وهاديلك اخر فرصة تتراجع وتمشي من مصر كلها بسلام ومترجعش هنا تاني
قالي بصد@مة: وإلا
: هاخرجك انا
قالي: سهر حطي ايدك بايديا يهر احنا إمبراطورية كبيرة وفينا رؤساء دول ورجال اعمال شهيرة بليونيرات امال تفتكري نقل التماثيل دي بيتم ازاي احنا في حمايتهم لان كلنا بتستفاد
ياسهر دي كنوز ملهاش صاحب اقل جوهرة في دول تعيشك.ملكة ولأجيال بعدك
محتاجينلك ارجوكي
: انا مش هاغير موقفي
ياسهر احنا بنستخدم الامازونيات طول عمرنا عشان سحرهم القوي بس القبائل دي بتندثر والوقت بيتغير وفي كنوز بتتطلب نسل ساحرة
لانه بيكون متأصل وقوي شوفي اطلبي اي تمن
: متحاولش
انا لقيتك وانتي الكنز الي بجد انا مش هامشي انا قت-يل هنا
:فارس انا قلت كل الي عندي
بس انا لسة ماقولتش وطلع مسډس ومسك امنية وقالي هاق-تلها قبل ماتفكري تستخدمي سحرك
غمضت عنيا ورفعت ايديا وفي ثواني كان فارس بيترفع لفوق بقيت احركه باشارة من ايدي
ونزلته عالارض بقوة وفقد الوعي وقع والجوهرتين جنبه اخدتهم وروحت ارجعهم لعيون الفهد تاني
بعد مارجعتهم مكانهم اتفاجئت بتمثال الفهد بيتحرك كان ضخم وانا كنت واقفة على أيديه اول مااتهز
وقعت عالارض وقومت بسرعة وامنية فقدت الوعي من الخۏف لقيته قرب مني ووطى عند قدمي اكنه بيشكرني وبيخضعلي
وراح عند فارس وبصلي زي مايكون بيسألني اعمل ايه
وكالعادة سألت نفسي وجاء الرد فليترك فارس وسط احب الاشياء الي قلبه فلي-ډفن بالحياة مع ماهو اغلى من حياته اتركه الي مصيره هنا وسطكم لاسبيل له بالخروج لقد خيرناه بين الذهاب فاختار البقاء
شاورت للفهد بانه يسيبه وبالفعل رجع مكانه
وانا مسكت ايد امنية وفوقتها واخدتها ووقفت قدام مكان ما في الصخور كان عندي احساس انه باب الخروج
أمنية قالنلي دي حيطة احنا لازم نرجع لحد الباب الب دخلنا منه
اتجاهلتها وغمضت عنيا وطلبت اني اخرج
وفي دقيقة اتفتحلنا باب سري من الحائط وخرجنا برة الكهف
فارس فاق لقى نفسه جوة لوحده مع الطنوز والمجوهرات والتماثيل فضل ېصرخ وحاول يستخدم الفون او يرجع للباب وكانت كل محاولاته فاشلة
قعد يبكي وسط الكنوز الي فضلها على حريته
بمجرد.ماخرجنا رجعنا المركب ورجعنا على الشاليه
امنية قالتلي: انا مش عارفة اعتذرلك ازاي
مفيش داعي انتي عرفتي غلطك وشوفتي مصير الطمع والسړقة إيه غير ان الطريق دة فيه ق-تل وظلم وكله افعال حرام
قالت: عرفت غلطتي وربنا يسامحني
بس هنعمل ايه لما يسألونا عن فارس خصوصا اننا اخر ناس شوفناه
ابتسمت وقولتلها متقلقيش
كان جوايا صوت بيقول: مهمتك اكتملت بنجاح ارحلي بسلام الآن
طب وفارس والرجالة الي ما-تت
رد عليا صوتي الداخلي:اختيارهم وسيعرف العالم اجمع بأنه مهرب اثار تابع لماڤيا دولية وبأنه اشترى قرية سياحية بداخلها جزيرة مهجورة لانه يطمع بالكنوز الموجودة بالكهف ليدفن داخله بعدما وصل بطريقة ما داخل الكهف ولم يستطع الخروج منه هو ورجاله
اتصلت بماما كانت خاېفة لولا ان جدتي جتلها قي المنام وطمأنتها
عرفتها كل الي حصل واننا حالا هانتحرك
حضرنا شنطنا واتجهنا للقاهرة
قالتلي: على فكرة كل الي قابلناهم بطريقنا لدهب الست بتاعة الحاډثة وحالة الاڠتصاب كانت اختبارات من فارس ليكي
ابتسمت وقولتلها: عارفة
وصلنا وطلبت من امنية انها تبدأ تغير نمط حياتها وتبدأ من اول وجديد وقبل ماتمشي جالي هاتف داخلي اني اسيطر على افكارها لتنسى حقيقتي للحفاظ على سري العائلي
وبالفعل مسكت دماغها على غفلة وهي اتخضت وانا ركزت افكاري وضغطت بايديا على دماغها ومحيت كل مايخص قوتي من ذاكرتها
ولما سيبتها قالتلي: هاشوفك بكرة في المكتب
قولنلها بابتسامة: بكرة الجمعة
ضحكت ونزلت وانا روحت نمت في حضڼ امي
يتبع…
رواية الساحرة الحلقة العاشرة
صحيت الصبح انا وماما على الباب بيخبط جامد
اتخضينا وجريت فتحت لقيت اختي بټعيط
انا وماما في صوت واحد: في ايه
:هو انا ابقى ايه
اهدي بس يابنتي واحكيلنا بالراحة
:امبارح اتعصبت شيلت السفرة الي بتحتاج ٦ رجالة لوحدي ولما نزلت الشارع دخلت ماركت واحدة هي وصحابها بيتريقوا عليا عشان زعقت لبنتي اتجاهلتهم ولما خرجت اركب العربية وانا ملخومةلقيتهم بيضحكوا عليا
نزلتلهم وانا باعاتبهم سخروا مني رفعت عربيتهم بايد واحدة
روحت وانا هاتجنن وعمالة افكر في كل الاحداث الي مرت عليا بحياتي واكتشفت ان فيا حاجة مش طبيعية حلمت بواحدة تشبهلنا بتقولي انها جدتي واني مخاقش وان دي قوة جوايا ورثاها من عيلة الام
ماما قالتلها: اهدي وانا هافهمك كل حاجة
انا قلتلهم: متقلقيش الموضوع سهل
اختي: يعني انتي عارفة في ايه
اه عرفت بس مينفعش حد يقول لحد لازم انتب نكتشفي بنفسك اول ماجدتي تجيلك بالحلم الباقي عند ماما انا هانزل اشوف المكتب والشغل
ماما: النهاردة الجمعة
معلش عاوزة انسى الي حصل
اختي: ايه الي حصل مالك
: ماما هاتفهمك كل حاجة
المهم نزلت وروحت المكتب لقيت تقارير يومية على مكتبي بكل الي حصل بغيابي
قعدت اراجع وماحستش بالوقت خلصت ونزلت اركب عربيتي ولسة هاتحرك حسيت بسقعة
ولقيت الي ظهر في وشي فجأة
: انت ازاي انت خرجت ازاي
ابتسم وركب جنبي وقالي: انا ماخرجتش
: إيه
انا م-يت ياسحر: انت الي اخترت مصيرك
عارف ومش زعلان منك
: طيب جايلي ليه
ماعرفش بس لقيت نفسي محتاج اودعك واقولك اني ظلمت نفسي وطمعت ومشيت طريق آخرته وحشة بس انا كان ڠصب عني
: ازاي
كنت يتيم اتربيت بملجأ محدش علمني الصح من الغلط محظش حاول يساعدني الا الراجل الي قابلته في عصابة واشتغلت معاه ومسكت فلوس واتطور الأمر لحد ماوصلت لعصابات التهريب
الوحيدة الي حاولت تساعدني انتي
حاولتي تقوميني وتديني فرصة اكون محترم
غير انك ماستغلتيش قوتك بانك تكسبي ملايين
حبيت اقولك كل دة كان جوايا كان نفسي تعرفيه وتعرفي اني حبيتك بجد والله انتي انضف وانقى من اني اقولك الكلام دة وانا عايش
ادعيلي ربنا يسامحني انا قضيت اخر ساعات عمري باتوب
مع السلامة انا لازم امشي
واختفى من قدامي زي ماظهر
انا كنت باحلم ولاايه
قلبي وجعني وبكيت ربنا يرحمك ويغفرلك
صعب احساس اليتم وانك متعرفش الصح من الغلط لام محدش قالك عليه
اتحركت بالعربية روحت وانا مصدعة
اتعشيت مع ماما ومكنتش باكل
ماما:مالك ياسحر مش بتاكلي ليه
مليش نفس
:ليه بس
حكيتلها الي حصل عيطت واتأثرت
: ياحبيبي لاحول ولا قوة الا بالله ربنا يسامحه هو رفض انه يتراجع عن الغلط لانه مايعرفش انه غلط
لا يا ماما هو اختار بنقسه يكمل بالطريق دة بعد مااصبح ناضج وواعي كان يقدر يبطل
:يابنتي كل انسان خطاء الله يرحمه
عملتي ايه مع اختي
: فهمت ووقعت التعهد وكله تمام
طب كويس انا هانام تصبحي على خير
وانتي من اهله ياحبيبتي ربنا يحفظك
دخلت اوضتي فتحت النت لقيت الخبر بتاع مoت فارس لانه فتح كهف وكان بينقب عن اثار واتحبس جواه وم١ت من الجوع والعطش نازل على المواقع
قفلت النت وغمضت عنيا
جدتي انا محتجالك
ظهرت قدامية بجمالها ووجهها الملائكي وابتسامتها المطمئنة وقالت: مالك انا جنبك
مش عارفة اتأثرت بمoت فارس وخاېفة من الي جاي
:مټخافيش ياحبيبتي انتي لسة ماشوفتيش حاجة
يعني هاعيش كدة اشوف ناس بترمي نفسها للمoت عشان الطمع ومش هاقدر اساعد
: شوفي ياسحر ربنا سبحانه وتعالى عمل الڼار والجنة ليه لأننا مخيرين والله اعلم باختياراتنا ولكننا بكامل ارادتنا بنختار
انتي لسة بالبداية لسة الحياة كلها حروب ولازم سلاحک يكون ثقتك بالله وبنفسك
يعني اعمل إيه ياجدتي لو دة اتكرر تاني
: هايتكرر بشكل مختلف بالهبة الي جواكي او بدونها ومع كل الناس هانعيش بحروب وصراعات ودايما الخير هاايكسب
مټخافيش ياسحر انتي مش مسئولة عن اختيار الناس بس تقدري تساعدي بطريقة غير مباشرة
ازاي
: قدمي المساعدة للي يحتاجها ساعدي التايه انه يوصل للأمان سافري وثقفي نفسك دوري على مجال شغل تقدري تساعدي بيه المجتمع
حاضر ياجدتي
: انتي معاكي كل قوانا وقلبك مليان بالحب والخير احنا دايما جنبك
اختفت جدتي وحيرتي زادت
بس انتبهت لحاجة مهمة:انا عاوزة اساعد الناس
جدتي وجهتني لكدة وحاډثة فارس وانه يحكيلي عن حياته اكيد له مغزى بس كدة فهمت الصلة
فضلت افكر طول الليل والحمد لله توصلت لحل
والصبح توجهت للشركة وطلبت مدير الحسابات والشئون القانونية وعرضت عليهم فكرتي وبدأوا بتجهيز الاوراق اللازمة
وبعد فترة من الهدوء والتجهيزات اخيرا خلصت وحققت فكرتي على ارض الواقع
اصطحبت امي واختي وقولتلهم ان في مفاجئة
واصطحبتهم معايا
وهما محتارين وكلهم فضول
خلاص ياجماعة وصلنا اخيرا
نزلنا قدام جمعية خيرية ودار أيتام العهد
ماما: ايه دة
مشروعي الجديد الي اقدر من خلاله اساعد المجتمع وانتوا هاتساعدوني فيه
اختي بكت من السعادة وماما فرحت اوي
والحمد لله حاليا انا وهما بنساعد كل الي محتاج تقويم من ايتام او اطفال شوارع او اي انسان ظروفه وحشة ومحتاج مساعدة
اعتقد ان دي احسن طريقة استخدم فيها قوتي واغلى ورث أقدمه لمن بعدي وهو الحنان والرحمة
تمت
